Mei goed 25 jier ûnderfining yn 'e fitnessbrânsj sjoch ik wat sport mei in minske docht. It jout dy enerzjy, makkest fysyk én mentaal sterker, en soarget foar balâns yn dyn libben. Bûten sporte docht dêr noch in skepke boppe-op. Om dy foardielen foar elkenien tagonklik te meitsjen ha ik JN Outdoor Sport & Fitness oprjochte.

Ik bin fan miening dat sporten net yngewikkeld hoecht te wêzen. Myn doel is simpel: de drompel om yn beweging te kommen sa leech mooglik meitsje en derfoar soargje dat minsken wille hawwe yn it sporten. Ast it leuk fynst, hâldst it fol!

Fan myn jeugd ôf bin ik dwaande mei sport, en dat begûn op it fuotbalfjild. Fuotbal learde my wat teamwork is en joech my in sterke motoryk en in goede basiskondysje. Nei ferrin fan tiid ha ik in nije útdaging fûn yn it kickboksen wêryn't ik gau progresje makke. Om myn prestaasjes fierder te ferbetterjen bin ik doelfêste fitness- en krêfttraining yntegrearje gean. Fitness foarme in sterke fundearring dêr't ik my hieltyd fierder yn ûntwikkelje soe.

Ik ha yn sportskoallen wurke as fitnesstrainer, kickbokstrainer en groepslesynstrukteur. Ik ha twa kear meidien oan it NK Natural Fitness wêrby't ik yn 2006 tredde fan Nederlân wurden bin. Nei dy perioade bin ik my spesjalisearje gean yn personal training, bootcamp en tactical fitness.

Wolst mear út dysels helje en hâldst wol fan in útdaging? Nim kontakt mei my op en wy geane tegearre oan 'e slach om dyn doel te berikken.

Ynvestear yn dysels!

Jeffrey Naber